認識廣東話：廣東話俗語/ 口語 正字一覽（下）

「你做人咁論盡㗎」，但原來「遴迍」才是正確寫法。廣東話正字博大精深，如果你都想成為廣東話達人，就要留意用字是否正確。學好廣東話正字，同港人朋友溝通就事半功倍！

__________________________________________________________________________________________

1. 遴迍 (論盡)
即表示笨手笨腳，粗心大意。
例子：做嘢唔好成日咁論盡，小心啲啦。

2. 虓䰧 (丫烏)
即表示會捉小朋友的妖怪女。
例子：再唔聽話嘅話，虓䰧就來捉走你㗎啦。

3.觰拏 (揸拿)
即表示把握。
例子：呢件事我有揸拿，你放心交俾我搞啦。

4. 澩嫪 (nau gau)
即表示情況或事物雜亂無章。
例子：你整到間房咁澩嫪，又要阿媽幫你執手尾。

5.藞苴 (嗱喳)
即表示地方不乾淨、不衛生。
例子：呢間餐廳好藞䕢，有好多曱甴。

6.贔屭 (閉翳)
即表示一件事十分複雜棘手。
例子：唔使咁閉翳，總會有辦法嘅。

7.謦欬 (傾偈)
即表示與人互相傾訴談心、聊天對話。
例子：幾時約出嚟敍下舊、謦下欬呀！

8.㜺鬼 (盞鬼)
即表示可愛、有趣、過癮。
例子：廣東話真係好盞鬼。

9.狼戾 (Long Lai)
即表示為發洩怒氣，而突然變得無理取閙同咄咄逼人。
例子：老婆又發狼戾喇，少少事嘈到拆天。

10.葳蕤 (威水)
即表示出眾及受人愛戴。
例子：張家朗又攞金牌，真葳蕤。

11.躝屍趌路
即表示廣東人用來趕走不受歡迎人物之用語。
例子：你哋班衰人最好快啲躝屍趷路，咪阻住我哋做生意。

12.跌倒揦秅沙
即表示死都不願認錯，甚至明知自己做錯了，都要用諸多理由去為自己開脫。
例子：明明錯咗，又跌低揦翻拃沙，話錯有錯著。

13.大石砸死蟹
即表示人們受制或屈服強權之下，沒有選擇和反抗的餘地。
例子：新嚟新豬肉，大石砸死蟹。

14.手揗腳震
即表示手足顫抖。
例子：做咗甘多年，上台講個嘢都手揗腳震咁，點可以㗎。

15.大步𨂾過(大步檻過)
即表示逢凶化吉，化險為夷，順利過關。
例子：今次係我第四次考車牌，希望可以大步檻過啦！

不過港人在日常溝通時，亦不會太注意用字是否正確，能夠表達其大意即可。因此順應潮流衍生其他用詞，所以廣東話學習之路實在漫長！

廣東話俗語及正字（上）：https://bit.ly/3w7Yip2