家居小妙招：五招教你增強空間感

香港寸金呎土，每呎都係血汗錢。買到樓、上到車已經好叻，如果識得令屋企睇落甚至用落大多幾十呎，就更加叻。其實只要喺裝修設計上，加少少心思，已經可以將空間迅間變大！

1. 白色/淺色牆身

「明亮感」係視覺擴闊空間的核心！牆身及入牆櫃用米白色或者相同嘅淺色系，就好似將個櫃融入牆身咁，增強空間感。

2. 簡單就是美

客廳佈置越簡單越好，電視上牆係基本，下面嘅電視櫃放少少裝飾品，最好就用梳化床，有朋友要「宿一宵」，都完全冇問題。

3. 魔鏡神效

鏡唔止用嚟照自己個靚樣，仲可以照到間屋大啲、靚啲。擺啲鏡喺屋企，可以製造出一種空間嘅深度，視覺上營造出大空間嘅感覺。

4. 無衣櫃概念

衣櫃係大型傢俬，放喺我哋啲豆腐潤屋仔入面，難免令到房間顯得好擠迫。其實近年都好流行利用牆面的空間嚟收納衣物，牆上安裝一啲橫桿掛衫，再加層板可以擺其他配飾，另外放膠箱或膠櫃桶，整整齊齊，一目了然。

5. 集線盒減少視覺凌亂

見到屋企啲手機叉電線同埋電器電線就唔開胃，視覺上亦都非常凌亂，可以買啲集線盒，啲線放晒入盒入面，地板同枱面就唔會亂七八糟，望落空間都會多啲。